කකුළුවන්ට අභය දානය
මිනිසුන්ගේ ආහාර පිණිස බොහොමයක් සතුන්ට තම ජිවිතයෙන් වන්දි ගෙවීමට සිදු වීම කෙතරම් ඛේදජනක ද ? මිනිසා මෙන්ම අනෙකුත් සියලුම සතුන් ද මේ මිහිතලය මත දිවි ගෙවිය යුතුය. මරණයට නියමු වූ කවරම හෝ සතෙකුගේ ජීවිතය එයින් මුදවා ගැනීමට අප කිසිවිටෙකත් පසුබට නොවෙමු.
ඒ අනුව, මෙම මාසයේත් වෙළදපලෙහි විකිණිමට තබා සිටි ජිවී කකුළුවන් 275 දෙනෙකු මරණයෙන් නිදහස් කර ගනිමින් ඔවුන්ට නිදහසේ සැරිසැරීමට හැකි ලෙස කිරුළුපන ඇලට මුදා හළේය.
බොහෝ සතුන් සුළු දේටත් තැති ගන්නවා, බිය වෙනවා. ඒ අතරින් වඩාත් තදින් දැනෙන්නේ මරණ බියයි.
මිනිසාගේ රස නහර පිනවීම පිණිස එසේ මරණ බියෙන් ජිවත්වන, පෑලියගොඩ මත්ස්ය වෙළඳපොලේ විකිණීමට තබා ඇති ජීවී කකුළුවන් 113ක් පමණ ප්රමාණයකට ජිවිත දානය ලබා දෙමින් ඔවුන්ට නිදහසේ සැරිසැරීමට හැකි ලෙස ස්වභාවික පරිසරයට මුදා හැරීමට තුලදී විශ්ව පාරමී අපට හැකි විය.
ගහ කොළ, සතා සිවුපාවුන් සොබා දහමේ අලංකාරයත්, විවිධත්වයත් ඇති කරන්නට කරන්නා වූ මෙහෙය නම් සුළු පටු නොවේ. එහෙත්, මිනිසුන් ආත්මාර්ථකාමී ලෙස සොබා දහමේ හිමිකරුවා වීමෙන් අනෙකුත් ජීවින්ගේ ජීවත් වීමේ අයිතියද උදුරා ගැනීම කෙතරම් නම් ශෝචනීයද?
මේ කියන්නට සැරසෙන්නේ මිනිසුන් විසින් වධ හිංසා කොට මරණය නියම කෙරූ තවත් අහිංසක සතුන් පිරිසකට යළිත් ජීවිත දානය ලබා දුන් අපූරුතම කතා පුවතක් ගැනයි… ඒ මාසිකව විශ්ව පාරමී අප පදනමේ මහා අභය දානමය පින්කමක් වූ මරණයට නියම වූ කකුළුවන් නිදහස් කිරීමේ පුණ්යමය කටයුත්තයි. මේ යටතේ පෑලියගොඩ මත්ස්ය වෙළෙඳ සැලෙන් මිලදී ගන්නා ජීවි කකුළුවන් වැල්ලවත්ත ශ්රී ජිනානන්ද ළමා නිවාසය අසල පිහිටි කකුළුවන්ට ජීවත් වෙන්නට අවැසි ලවණ ජලයෙන් පොහොසත් කිරුළපන ඇලට මුදා හරිනු ලබනවා..
දින ගණනාවක් පුරා තම සිරුරටම තද කොට ගැට ගැසීම නිසා වාරුව අහිමි වූ අත් කකුල් මහපොළොව මත තබා ඇවිද ගොස් දියවන්නා ඔයේ තමන්ට රිසි සේ පිහිනා යන්නේ මරණය අභිමුවේ සිටි ඔවුන් යළිත් ජීවිතය ලද්දා වූ අප්රමාණ සතුටකින් නොවේද?
කකුළුවන්ට අභය දානය