අභය පාරමී මාසික වැඩසටහන්
මරණය අප කාහටත් බිය උපදවයි. අපි කවුරුත් කැමති නෑ තව කෙනෙක් අපේ ජීවිතය අහිමි කරනවට. ඒ වගේම තමයි අනෙක් සතුනුත්. අපි වගේම තමන්ගේ ජීවිතයට ආදරෙයි. ඒත් මිනිසුන් වන අප කිහිපදෙනෙකුගේ අවශ්‍යතාවය නිසා අහිමිවන ජීවිත ගණන අති විශාලයි. එලෙස මරණය අභියස සිටි ගවයින් මරණයෙන් නිදහස් කිරීමේ පුණ්‍යකර්මයට දායක වෙන්න විශ්ව පාරමී අප පිංවන්ත වුනා. ඒ අනුව 2023 ජනවාරි, පෙබරවාරි සහ මාර්තු මාසයන්හිදී කිරි ගවයින් සය දෙනෙකුට ජීවිත දානය ලබා දීමට හැකි විය.
මරණය යනු මෙලොව වසන සියලු දෙනාටම පොදු ධර්මතාවයකි. සියලූම සත්වයෝ මරණය බියයි. නොසිතූ විරූ ලෙස කවුරුන් හෝ අපව මරණයට පත් කිරීමට පැමිණෙන විට අපට ඇතිවන්නා හා සමානම බියක් අනෙකුත් සතුන්ටද ඇති වේ. නමුත් මිනිසුන් එය නොතේරුම් ගන්නවා මෙන්ම අසරණ සතෙකුගේ මරණය තමන්ගේ සතුට කර ගනිමින් ඒ මහා පාප කර්මයේ විපාකය කොයිතරම් ද යන්න මොහොතකටවත් කල්පනා නොකරයි. එසේ තම රස නහර පිනවීම සඳහා ගවඝාතකාගරවල මරණයට කැප වී සිටි කිරි එළදෙනුන් සිව්දෙනෙකුට මෙලෙස අභය දානය ලබා දුනි.
මෙලොව එලිය දකින සෑම ජීවියෙකුටම මේ මිහිකත මත ජීවිත් වීමේ අයිතියක් ඇත.එබැවින් මනුෂ්‍යන් ලෙස අපගේ වගකීම විය යුත්තේ ඒ අනෙක් ජීවින්ගේ ජීවිත ආරක්ෂා කිරීමයි. අභය පාරමී සත්කාරය යටතේ එසේ ජීවිත අහිමි වීමට නියමිත කිරි ගවයින් සය දෙනෙකු ගව ඝාතකාගාර වලින් නිදහස් කර ඔවුන්ට ජීවත් වීමට ඉඩහසර සලසා දීමට විශ්ව පාරමී අප කටයුතු කරනු ලැබුවා.
ගිතෙල්, මී කිරි ,එළ කිරි යන පස්ගෝරසයෙන් කුඩා දරුවාගේ පටන් මහල්ලෙකු දක්වාම අපව පෝෂණය කරමින්, ඉවතලන පොහොරින් වගාවන් සරුසාර කරමින් මිනිසාට මහඟු සේවාවක් සැපයුවත් ඒ සියල්ල පසෙකලා මුදල් තණ්හාවට සහ ඇතැමෙක්ගේ රස නහර පිනවීම සඳහා ඔවුන්ගේ ජීවිතය මස් පිණිස අහිමි කිරීම කෙතරම් පාපතර ක්‍රියාවක්ද ?
එසේ ගව ඝාතකාගාරවල තම මරණය පෙනී පෙනී භයෙන් තැති ගනිමෙන් සිටින කිරි එළදෙනුන් 5 ක් මරණයෙන් නිදහස් කර අඩු අදායම්ලාභී පවුල් වල ආර්ථිකය සවිමත් කිරීමේ උතුම් අරමුණෙන් බුත්තල ප්‍රදේශයේ පවුල් 5ක් සඳහා එම කිරි එළදෙනුන්ව ලබා දීමට අප පුණ්‍යවන්ත විමු.
මිනිසා මෙන්ම අනෙකුත් සියලුම සතුන් මෙලොව එලිය දකින්නේ නිදහසේ ජිවත් වීමේ අයිතියත් ඇතිවය. නමුත් කිහිපදෙනෙකුගේ අවශ්‍යතාවය නිසා වර්තමානයේ බොහොමයක් ගවයින්ගේ ජිවිත මස් පිණිස අහිමි කරනු ලබනවා. අභය පාරමී සත්කාරය යටතේ එසේ ජිවිත අහිමි වීමට නියමිත කිරි ගවයින්ව ගව ඝාතකාගාර වලින් නිදහස් කර ආර්ථික අපහසුතාවලින් පෙළෙන පවුල් සඳහා ලබා දී ඔවුන්ට තම ආර්ථිකය සවිමත් කර ගැනීමට අත්වැලක් සපයමින් විශ්ව පාරමී පදනම විසින් තවත් මාසිකව සිදු කරනු ලබනවා.
ඒ අනුව, 2022 ජනවාරි මාසයේ කිරි ගවයින් මරණයෙන් නිදහස් කර ගැනීමට දායකත්වය ලබා දීමට හැකි විය.
