කකුළුවන්ට අභය දානය මාසික වැඩසටහන්
පරපණ නසන්නෝ එයින් සතුටු වෙති,මරණයට කැපවූ සිරුරු දරන්නෝ එයට සතුටු නොමවෙති, ගුණ දම් පුරන්නෝ මෛත්‍රී සිතින් ඔවුන්ගේ දිවි ගලවා පිරුණු සද ඇති චන්ද්‍රයා සේ චිත්ත ප්‍රමෝධය ලබන්නෝය.
කකුළුවන් මරණයෙන් මුදවාගෙන යළිත් ජීවිතය දෙන්නට විශ්ව පාරමී අප ,සෑම මසකම මෙන් මෙම වෙසක් මාසයේත් ජිනානන්ද ළමා නිවාසය අසලින් ගලා බසින කිරුළපණ ඇලට ජීවී කකුළුවන් 179 දෙනෙකු මුදා හැරියේ මේ ආකාරයටයි.
ජලය තුල එහා මෙහා පිහිනමින් ජිවත්වන සතුන් අතර කකුළුවා යනු තවත් එක් සත්ව කොට්ඨාශයකි. මෙලෙස තම ජීවිතය ගත කරමින් සිටි කකුළුවන් අල්වා අලෙවි කිරීම තවත් පුද්ගල කණ්ඩායමක ජීවනෝපාය ලෙස දැකිය හැක. මෙලෙස අල්වා ගනු ලැබූ කකුළුවන් අත්පා බැද තබා වෙළඳපොළ වෙත ගෙන ගොස් අලෙවිකරනු ලබයි. අප විශ්ව පාරමී පදනම මගින් සිදු කරණ කකුළුවන් නිදහස් කිරීමේ වැඩසටහන මෙවර ද ශ්‍රී ජිනානන්ද ළමා නිවාසය අසල දී සිදු කරන ලදී.
