භික්ෂු වාට්ටු සංකීර්ණය ප්‍රතිසංස්කරණය

  3,081 views

ජේසුස් වහන්සේත්, බුදුන් වහන්සේත් මෙන්ම ලොව පහළ වූ සෑම ආගමකම ශාස්තෘන් වහන්සේ කෙනෙක් විසින්ම ගිලන් වූවන්ට උපස්ථාන කිරීමේ වටිනාකම ලොවට ඉගැන් වූ සේක. ජේසුස් වහන්සේ විසින් අන්ධ වුවෙකුට පෙනීම ලබා දීමත්, මහා කාරුණික වූ අසම සම වූ ලොවුතුරා තථාගත සම්මා සම්බුදු පියාණන් ගිලන් වූ පුතිගත්තතිස්ස තෙරුන් වහන්සේ ට උපස්ථාන කිරීමෙනුත් එය ලොවට ප්‍රකට කල සේක.

එය ආදර්ශයට ගනිමින් ඒ මඟ යන විශ්ව පාරමී අප පසුගියදා මාරවිල රෝහලෙහි පැවැති අබලන් වූ භික්ෂු වාට්ටුව සම්පූර්ණයෙන්ම නැවත පිළිසකර කරන්නට කටයුතු කළ ආකාරයයි මේ.

මෙහි කාර්යාල කාමරය වෙනමම සැකසීමටත්, භික්ෂු වාට්ටුව කාමර දෙකක් ආකාරයටත් ඒ හා සම්බන්ධ කර තැනූ නවීන අංගෝපාංගයන්ගෙන් සමන්විත වූ නාන කාමර දෙකක් තැනීමටත්, සුව පහසු ඇඳන් පරිත්‍යාග කිරීමත් නිසා භික්ෂු වාට්ටුව වර්තමානයේ දිස්වන අකාරයයි මේ.

පෙර තිබුණු භික්ෂු වාට්ටුව වෙනුවට ගිලන් වූ භික්ෂුන් වහන්සේලාට ප්‍රතිකාර ලබා ගැනීමට ඉතාමත් සුදුසු අලංකාර භික්ෂු වාට්ටුවක් තනා දීමට විශ්ව පාරමී අප සැවොම සමත් වුනා. සියලු වැඩ නිමවා අවසානයේ එම ස්ථානයේ ගරුතර මහා සංඝ රත්නය උදෙසා දන් පිළිගැන්වීමෙන් අනතුරුව මහ සඟරුවනේ පරිහරණයට පූජා කරන්නටත් මෙසේ කටයුතු කළා.

බුදු දහමේ ප්‍රගමනය සඳහා දායක වෙමින් තම සසර ගමන කෙටි කර ගන්නට වෙහෙසෙන සැරියුත් මුගලන් ආදී ආර්ය මහා සංඝ රත්නයෙන් පැවැත එන්නා වූ උතුම් මහා සඟ රුවනට මේ සියලුම පූජාවන් පූජා කරමි! පූජා කරමි! පූජාම වේවා !!!


Latest Posts

භාෂාව තෝරන්න