අප මහා බෝසතාණන් සියළු කෙළෙසුන් නසා ලොව්තුරා බුද්ධත්වයට පත්වූදා සෙවන දුන් උතුම් වූ බුද්ධ ශරීරයේ ස්පර්ශය ලද, එමෙන්ම සතියක් පුරාවට අනිමිස ලෝචන පුජාවෙන් පිදුම් ලැබූ උතුම් ජය ශ්‍රී මහා බෝධීන් වහන්සේගේ අංකුර ශාඛාවක් අපගේ පුද පූජාවන් පිණිස මේ ලක්දෙරණේ රෝපණය කරන්නට දෙවන පෑ තිස් රජ සමයේ සංඝමිත්තා මෙහෙණින් වහන්සේ විසින් මෙරටට වැඩම කරවන ලදී.
එතැන් පටන් බොහෝ බෞද්ධ සැදැහැවතුන් රැයක් දවාලක් නොතකා මහ බෝ අනුහසින් නිවී, සැනසීම පතා උන්වහන්සේට පුද පූජා පවත්වති. එවන් අසිරිමත් වූ පුජනීය වන්දනීය වූ ජය ශ්‍රී මහා බෝ සමිඳුන් වටා විදුලි පහන් දල්වා ආලෝකමත් කොට, ජීවමාන බුදුන් වහන්සේට කළා හා සමාන ආලෝක පූජාවකින් බුදුන් පුදන්නට විශ්ව පාරමීයේ අප සැම භාග්‍යවත්වූ බව මෙසේ සනිටුහන් කරමු.
තවද, රාත්‍රී කාලයේ බොහෝ සැදැහැවතුන් සඳහා පිරිත් සජ්ජායනයට, බෝධි වන්දනාවට සහ බුද්ධ වන්දනාවට අවශ්‍ය පිරුවානා පොත් වහන්සේ මෙන්ම බෝධි වන්දනා ගාථා පොත් පත් පරිශීලනයට විශ්ව පාරමීයේ ආලෝක පුජාව දහවල් කාලයේ තරම්ම ආලෝකය සපයන බැවින් දැන් පහසුවෙන් පරිහරණය කල හැකි බව, මෙම රූප රාමු දකින ඔබටද වැටහෙනු නොඅනුමානය.
තුන් ලෝකාග්‍ර වූ සම්මා සම්බුදුපියාණන් වහන්සේ වෙනුවෙන් ආලෝක පූජාවෙන් පුදන්නටත්, උන් වහන්සේගේ මග යමින් දහම් පොත් පත් පරිශීලනය කරන බැතිමතුන් උදෙසා ආලෝකය සපයන්නටත් දායක වූ විශ්ව පාරමී ඔබ සැමටද මෝහන්ධකාරයෙන් මිදී උතුම් නිවන් ආලෝකයෙන් සැනසීමට ඔබ සැමගේ ජීවිතද මේ උතුම් පිනෙන් ආලෝකමත් වේවා !
