අම්මාවරුණේ මාසික වැඩසටහන්
මෙලොව එළිය දකින කිරි සුවඳැති බිළිඳා දුටු පමණින් තම ලෙය කිරට හැරවීමට තරම් මවකගේ ආදරය, සෙනෙහස අප්‍රමාණය. ජීවිතයේ අප්‍රමාණ කම්කටුලු හා දුක් වේදනාවන් හිසින් දරාගෙන ඒ උත්තරීතර මව් පදවිය ලැබීමට සැරසෙන ගාල්ල, බද්දේගම සෞඛ්‍ය වෛද්‍ය බල ප්‍රදේශයේ අඩු අදායම්ලාභී පවුල්වල අම්මාවරුන් පහළොස්දෙනෙකු වෙනුවෙන් අම්මාවරුනේ සත්කාරය දියත් කරන ලදී.
ලොව ඇති අති දුෂ්කරම වේදනාව විඳිමින් තම රතු ලේ සුදු කිරීමට තරම් මවකගේ ආදරය සෙනෙහස බලවත්ය. ඉතින් එවැනි අම්මාවරුන් සොයා මෙවර අප ගියේ බොරැල්ල, මාතෘ හා ළමා සුබ සාධන මධ්‍යස්ථානය වෙතයි.ඉතින්, දරුවෙකු බිහි කිරීමේදී මවකට අවශ්‍ය වන ද්‍රව්‍ය හා අලුත ඉපදෙන දරුවාට අවශ්‍ය කරන සියලූම ද්‍රව්‍ය එහි සිටි බොරැල්ල, වනාතමුල්ල සෞඛ්‍ය වෛද්‍ය බල ප්‍රදේශයේ අඩු අදායම්ලාභී මව්වරුන් 15 දෙනෙකු සඳහා ලබා දීමට අප කටයුතු කරනු ලැබුවා.
උතුම් මව් පදවිය ලැබීමට සැරසෙන මව්වරුන් වෙනුවෙන් දියත් වන සත්කාරයයි “අම්මාවරුනේ” වැඩසටහන. මෙවර එය ද සොයිසා කාන්තා රෝහල මූලික කර ගනිමින් සිදු කල අතර එයට පැමිණෙන අඩු අදායම්ලාභී පවුල් වල මව්වරුන් 15 දෙනෙකු සඳහා සහ අලුත ඉපදෙන දරුවාට අවශ්‍ය කරන සියලූම ද්‍රව්‍ය ලබා දීමට අප කටයුතු කරන ලදි.
නුවරඑළිය දිස්ත්‍රික්කයේ දික්ඔය සෞඛ්‍ය බල ප්‍රදේශයේ දරු ප්‍රසූතිය සඳහා සූදානම් වන දිළිඳු අම්මාවරුන් පහළොස් දෙනෙකු සහ අලුත ඉපදෙන කිරිකැටියා සඳහා අවශ්‍ය සියලූම ද්‍රව්‍ය ලබා දීමට අප කටයුතු කරන ලදි. එසේම මවගේ පෝෂණ තත්වය ඉහල නැංවීමේ අරමුණින් විවිධ ධාන්‍ය වර්ග වලින් සමන්විත පෝෂණ සලාකයක් සපයා දීමට අපට හැකි විය.
දෙවැනි බුදුන් ලෙස – ලොවම උවම් කල
ලොවක පිදුම් ලද – ලොවට උතුම් ළඳ
අම්මා
මෙලොව ඇති සියලුම දේ මවකගේ ආදරයට යටත්ය. මවකගේ උණුසුමට, ආදරයට හා කරුණාවට සැසදීමට වෙන අන් කිසිම දෙයක් මෙලොවෙහි නොමැත. දස මාසයක් කුස තුළ හොවාගෙන ලොව ඇති අති දුෂ්කරම වේදනාව විදිමින් තම කිරිකැටියා මෙලොවට බිහි කරන්නේ අසීමිත මව් සෙනෙහස නිසාමය. එවන් උතුම් වූ මව් පදවිය ලබන්නට සැරසෙන ආර්ථික අපහසුතා වලින් පීඩිතව දිවි ගෙවන මව්වරුන් සොයා ගොස් ඔවුන්ට උපකාර කරන්නට විශ්ව පාරමී අප සැදී පැහැදී සිටිනවා.
ඒ අනුව මෙම මාසයේත් ගාල්ලේ ඇල්පිටිය සෞඛය වෛද්‍ය බල ප්‍රදේශයේ මව්වරුන් විසි දෙනෙකු හා අලුත ඉපදෙන කිරිකැටියාට අවශ්‍ය කරන සියලූම ද්‍රව්‍ය මෙන්ම මවගේ පෝෂණය සඳහා අවශ්‍ය ද්‍රව්‍යද ලබා දීමට අප කටයුතු කරන ලදී.
