පරක් තෙරක් නොපෙනෙන මහා සයුරක් සේ මවගේ පියාගේ ගුණ සීමාකොට දැක්විය නොහැකිය. එතරම්ම දරුවන් පිළිබඳව ඇති මව්පිය සෙනෙහස අසීමිතය. කුඩා කල සිට හොඳ නරක කියා දී දරුවන්ගේ ජීවිතයේ සාර්ථකත්වයට අඩිතාලම දමන්නේ අපේ දයාබර දෙමව්පියන්ය. දරුවන් වශයෙන් ඔවුන් වෙනුවෙන් කල හැකි යම් දෙයක් වේ නම් ඒ ඔවුන් ගතින් සිතින් දුර්වල වන අවධියේ ඔවුන්ව රැක බලා ගැනීමයි. නමුත් එය නොසලකා හරින පිරිසක්ද අප සමාජයේ ජීවත් වෙනවා. එවැනි අවස්ථාවල ඒ දෙමව්පියන්ට සිදු වන්නේ වැඩිහිටි නිවාසයකට වී තම ජීවිතයේ අවසාන කාලය ගත කිරීමටයි. එසේ දුක් සෝ සුසුම් මැද ජීවත් වන මව්පියන්ගේ සිත සුව පිණිස විශ්ව පාරමී අප දියත් කරනා වැඩසටහනයි කඳුලට සිනහවක් වැඩසටහන.ඒ අනුව, මෙම මාසයේත් වැඩසටහන් දොළහක් පවත්වමින් ඔවුන්ට විනෝද වන්නට අවස්ථාව සලසා දීමට අපට හැකි විය.
