දෙවැනි බුදුන් ලෙස – ලොවම උවම් කල
ලොවක පිදුම් ලද – ලොවට උතුම් ළඳ
අම්මා
මෙලොව ඇති සියලුම දේ මවකගේ ආදරයට යටත්ය. මවකගේ උණුසුමට, ආදරයට හා කරුණාවට සැසදීමට වෙන අන් කිසිම දෙයක් මෙලොවෙහි නොමැත. දස මාසයක් කුස තුළ හොවාගෙන ලොව ඇති අති දුෂ්කරම වේදනාව විදිමින් තම කිරිකැටියා මෙලොවට බිහි කරන්නේ අසීමිත මව් සෙනෙහස නිසාමය. එවන් උතුම් වූ මව් පදවිය ලබන්නට සැරසෙන ආර්ථික අපහසුතා වලින් පීඩිතව දිවි ගෙවන මව්වරුන් සොයා ගොස් ඔවුන්ට උපකාර කරන්නට විශ්ව පාරමී අප සැදී පැහැදී සිටිනවා.
ඒ අනුව මෙම මාසයේත් ගාල්ලේ ඇල්පිටිය සෞඛ‍ය වෛද්‍ය බල ප්‍රදේශයේ මව්වරුන් විසි දෙනෙකු හා අලුත ඉපදෙන කිරිකැටියාට අවශ්‍ය කරන සියලූම ද්‍රව්‍ය මෙන්ම මවගේ පෝෂණය සඳහා අවශ්‍ය ද්‍රව්‍යද ලබා දීමට අප කටයුතු කරන ලදී.
